హన్సిక ‘105 మినిట్స్’వచ్చేస్తుంది
దిశ, వెబ్డెస్క్ : మిల్కీ బ్యూటీ హన్సిక నటించిన మరో ఆసక్తికర చిత్రం 105 మినిట్స్. ఈమె నటించిన క్రైమ్‌ థ్రిల్లర్‌ ‘మై నేమ్‌ ఈజ్‌ శృతి’మంచి విజయాన్ని అందుకున్న సంగతి తెలిసిందే. ఆ సినిమా సక్సెస్ తర్వాత మళ్లీ మరో వైవిధ్యభరిత సినిమాతో ప్రేక్షకులను పలకరించేందుకు హన్సిక రెడీ అవుతోంది. ఆమె హీరోయిన్‌గా రాజు దుస్స దర్శకత్వంలో తెరకెక్కిన సినిమా ‘105 మినిట్స్’. తాజాగా ఈ మూవీ మోషన్ పోస్టర్‌ను రిలీజ్ చేశారు. రుద్రాంశ్ సెల్యులాయిడ్స్, మాంక్ ఫిలిమ్స్ సంయుక్తంగా ఈ చిత్రాన్ని నిర్మిస్తోంది.
ఈ చిత్రం మరో విశేషమేమంటే ప్రపంచంలోనే మొట్టమొదటిసారిగా సింగిల్ షాట్, సింగిల్ క్యారెక్టర్ తో రూపొందించారు. రక్తంతో కుర్చీలో కూర్చున్న హన్సిక పోస్టర్ ఆకట్టుకుంటుంది. ఈ మోషన్ పోస్టర్‌ను ‘మంగళవారం’డైరెక్టర్ అజయ్ భూపతి చేతుల మీదుగా చిత్రయూనిట్ విడుదల చేసింది. శ్యాం సీఎస్ సంగీతాన్ని అందించారు. ఈ మోషన్ పోస్టర్ మూవీపై భారీగా అంచనాలను పెంచేస్తోంది. ఇందులో హన్సిక ఇంతకుముందు ఎన్నడూ కనిపించని గెటప్‌లో కొత్తగా కనిపిస్తోంది. ఈ సినిమా జనవరి 26న రిపబ్లిక్ డే స్పెషల్‌గా ప్రేక్షకుల ముందుకు రాబోతోంది.
